Poem - Karachi

This was posted on FB by my friend from Karachi (Pakistan)... Karachi is turning really bad these days:

• Main sans b gin kar leta hoon, jis roz safar mein rehta hoon
  Ek khofzada jiwan le kar, main maut k ghar mein rehta hoon
  
  Jahan zaat nasal k jhagron pe, hathyar uthaya jata hai
  Har roz kai masoomon ka, jahan khoon bahaya jata hai
  ... Jahan maut b matam karti hai, main usi nagar mein rehta hoon
  Ek khofzada jiwan le kar, main maut k ghar mein rehta hoon.....
  
  Har roz kisi maan ka beta, be maut hi mara jata hai
  Har roz kisi ki mayyat ko dharti mein utara jata hai
  Kabhi main b mara jaonga, main isi fikar mein rehta hoon
  Jis shehar ka naam Karachi hai, main isi shehar mein rehta hoon
  
  Ek khofzada jiwan le kar, main maut k ghar mein rehta hoon....

  
  

  ~ Unaiza Syed (Karachi)